વૃષભ (બ,વ,ઉ) :- Taurus
Vrushabha Rashifal રાશિફળ 2022-2023 Gujarati
વિક્રમ સંવત ૨૦૭૯ના શરૂઆતમાં આપની જન્મરાશિથી જોતા બીજા ભાવે મંગળ, તથા નવમે શનિ, અગિયારમે ગુરુ, બારમાં ભાવે રાહુ, છઠ્ઠા ભાવે ચંદ્ર, કેતુ, શુક્ર, સૂર્ય, વર્ષ ૨૦૨૨-૨૦૨૩ દરમ્યાન નાની કે મોટી પનોતી નથી.
તંદુરસ્તી – Health 2022-2023
આપની જન્મ રાશિ પ્રમાણે જોતાં રોગ શત્રુ સ્થાનમાં ચતુર્થ ગ્રહની યુતિ થયેલી છે અને અષ્ટમ ભાવમાં અન્ય કોઈ ગ્રહ નથી. જેથી તંદુરસ્તી વર્ષ દરમિયાન સારી રહેશે.
તા.૧૦-૫ થી તા.૧-૭ દરમિયાન વધારે પડતાં મસાલા વાળા ખોરાકનું સેવન કરવું નહિ. તેમજ ગેસ એસીડીટી વિગેરે ન થાય તેની તકેદારી રાખવી. અગ્નિ અને ઇલેક્ટ્રિક સાથે જે કઈ કાર્ય કરો તે વિચારીને કરવું જરૂરી છે.
નવેમ્બર-ડીસેમ્બર દરમિયાન સંતાન તંદુરસ્તી અંગેના પ્રશ્નોથી ખર્ચ ચિંતા રહેશે. ઉતાવળ કરી તેમજ ઉશ્કેરાટ કરી કોઈ કાર્ય એકદમ કરવું નહિ. કારણ કે આ પ્રમાણે કરવાથી મનની શાંતિ ઘટે જૂની બીમારીઓથી બચવું તથા જાતે દવા લેવાનું ટાળવું ડોક્ટરની સલાહ મુજબ દવા લેવી.
જુલાઈ-ઓગસ્ટ દરમિયાન ગરમીજન્ય દર્દો થાય. 12 મેં રાહુ પગને લગતા દર્દો અથવા પગમાં પીડા થઈ શકે. વ્યસનથી બચવું જરૂરી છે તથા શરીરને આરામ આપવો. અધિક શ્રમ કરવો નહીં યોગ્ય શ્રમ કરવાથી સ્વાસ્થ્ય સારું રહે છે.
આર્થિક રીતે – Economic 2022-2023
આર્થિક રીતે વર્ષના આરંભમાં આપની જન્મરાશિ પ્રમાણે જોતા, ધનસંગ્રહ સ્થાનમાં વ્યયેશ મંગળ હોવાથી આકસ્મિક ખર્ચ વધારે આવે. પારિવારિક નાની-મોટી સમસ્યા થઈ શકે, પોતાના જીવનસાથીની જૂની બીમારી પછીથી શરૂ થઈ શકે, તેને લઈને દવાખાનાનો ખર્ચ વિગેરે થાય. તથા દોડધામ રહે. ધનેશ બુધ પાંચમે સ્વગ્રહી છે. સંતાન તરફથી સારા સમાચાર મળે, સંતાનની કારકિર્દી જોવાય. તથા ધંધા વ્યવસાયમાં પણ સંતાનની પ્રગતિ થાય, કર્મ થકી ધન પ્રાપ્તિના યોગ સંતાન માટે બને. ભાગ્યેશ શનિ મંદ ગ્રહ છે, તેથી લાંબા ગાળાના કાર્યોમાં સફળતા મળતી લાગશે. રાહુ બારમે છે જેથી દેશાવરના કાર્યો કે પરદેશના લોકોથી લાભ થાય સહકાર પ્રાપ્ત થાય. અહીં લોન ઉછીના નાણાં લેવા અંગે અનુકૂળતા રહેશે. બાળકોના ભણવા પાછળ ખર્ચ રહેશે. જમીન મિલકતમાં કરેલા રોકાણનો લાભ પૂર્ણ રીતે આ વર્ષે મળશે નહીં.
લગ્ન પ્રસંગમાં વિશેષ ખર્ચ કરવાનું ટાળશો તો સારું. ભૌતિક સુખો પ્રાપ્તિ માટે આ વર્ષે ઓછો ખર્ચ કરવો જરૂરી છે. તથા વધુ વળતર મેળવવાની લાલચ અથવા ઝડપથી વધુ ધનવાન બનવા માટેના નિર્ણયોથી દૂર રહેવું જોઈએ. પારિવારિક સ્થાવર મિલકતનો ભાગ વહેંચવાનો થાય તો પૂર્ણ રીતે તેમાં પણ ભાગ તમને ઓછો મળે. 12 મેં પાપ ગ્રહ હોવાથી આવક કરતા જાવકના દરવાજા વધારે ખુલ્લા રહે તેવું જોવાય છે. બચતની માત્રા વર્ષ દરમિયાન ઘટતી જોવાશે. કરકસર કરવી આ વર્ષે જરૂરી છે, ગોચરના ગ્રહો આવક સામે જાવક વધારે દર્શાવે છે.
ધંધો-વ્યવસાય – Business 2022-2023
વર્ષના આરંભમાં આપની ચંદ્ર રાશિ પ્રમાણે જોતા, કર્મભૂવનમાં કોઈ ગ્રહ છે નહીં. તેમજ સુખ ભાવનો સ્વામી સૂર્ય લગ્નેશ શુક્રની સાથે આઠમા સ્થાનમાં ગુરુના ઘરમાં વિરાજમાન છે. ગુરુ દસમાં ઘર ઉપર દ્રષ્ટિ કરે છે તથા સુખ ભાવ પર દ્રષ્ટિ કરે છે. વર્ષ ૨૦૨૨-૨૩ વૃષભ રાશિના જાતકોના માટે સુખ અને વૈભવથી પરિપૂર્ણ રહેશે. પરંતુ એકવાત સ્પષ્ટ રીતે ચોક્કસ છે કે, સુખ અને વૈભવ પ્રાપ્ત થશે પરંતુ તેમાં તમારી મહેનત ઘણી બધી હશે. સંઘર્ષ પણ રહેશે સાથે-સાથે કંઈક જતું કરવાનું યોગદાન કરવું પડશે. એપ્રિલ સુધી ગુરુ ગ્રહની સ્થિતિ તમને વિશેષ રૂપથી સુખ પ્રદાન કરશે. ત્યાર પછી ગુરુ ગ્રહની સ્થિતિ તમારા માટે લાભદાયી બની રહેશે.
સુખ અને વૈભવની દ્રષ્ટિએ જોતા આ વર્ષ નિશ્ચિત રૂપથી કંઈક મોટું કરવું છે તેઓ વિચાર આવશે. નવું મકાન લેવું અથવા જૂના મકાનનું રીનોવેશન કરવું, તેમજ પોતાની જમીન ઉપર નવા મકાનનું નિર્માણ કરવું અથવા નવો ધંધો કે ફેક્ટરી નિર્માણ કરવાના યોગો સુચિત થઈ રહ્યા છે. જમીન તેમજ સ્થાવર-જંગમ મિલકત ખરીદવાનો વિચાર કરી રહ્યા હોય તો, ખરીદી શકશો. તમારા ભાઈ મિત્ર બંધુજન તમારા કાર્યક્ષેત્રમાં સહયોગી બનશે. નવું વર્ષ આશાસ્પદ વિચારોને સફળ બનાવશે.
નોકરીયાત – Job 2022-2023
વર્ષનાં આરંભમાં આપની જન્મરાશિથી જોતાં ષષ્ઠમ ભાવમાં ચાર ગ્રહની યુતિ થાય છે. તથા બુધ પાંચમે સ્વગ્રહી છે તથા લાભેશ ગુરુ લાભ સ્થાનમાં સ્વગ્રહી છે. ૨૨ એપ્રિલ ૨૦૨૩ થી દેવગુરુ બૃહસ્પતિ બારમાં ભાવથી ગોચર કરશે. આ પ્રમાણે જોતાં નોકરીયાત વર્ગને માટે આ વર્ષ પૂર્ણ રૂપથી સારું જોવાતું નથી. કઈક ને કઇક તકલીફો આવે લાભ સ્થાનનો ગુરુ છે. ત્યાં સુધી એટલેકે ૨૨ એપ્રિલ ૨૦૨૩ સુધી સારું જોઈ શકાય પરંતુ ત્યારબાદ કઇકને કઇક નોકરીમાં તકલીફ જોઈ શકાય છે. ૨૨ એપ્રિલ ૨૦૨૩ પછીથી તમારે વધારે સાવધાની રાખવી પડે અને તેમાં પણ ખાસ કરીને ૧૭ જુન ૨૦૨૩ થી ૪ નવેમ્બર ૨૦૨૩ સુધીમાં વધારે સાવધાની રાખવી પડે નાનીમોટી ભૂલોના કારણે કાર્યનો બોજ વધી જાય તથા થાક અનુભવતા હોય તેવી અનુભૂતિ થાય. જશ મળે નહિ. અધિકારીઓ સાથે સબંધો બગડે પદોન્નતિ થાય નહિ જે જગ્યા પર બદલી કરવી હોય તે પણ થઇ શકે નહિ. આવા ઘણા બધા કારણો નોકરીયાત વર્ગને આ વર્ષે હેરાન કરશે ઉપાયમાં દર બુધવારના દિવસે ૩ ગોળના લાડુ બનાવીને ગણપતિ દાદાને અર્પણ કરવા તથા તેની સાથે ધરો જુડી અર્પણ કરવી.
વિદ્યાર્થી – Education 2022-2023
વર્ષના આરંભમાં જન્મરાશિના આધારે જોતા તેમજ ગ્રહ ગોચરના આધારે જોતા વિદ્યા અભ્યાસ માટે વર્ષ સાનુકૂળ જોવાશે. અભ્યાસ અટકી ગયો હોય તો પછી આ અભ્યાસ ચાલુ થઈ શકે તેમજ નાના-નાના કોર્સ કરવાના હશે તો તેમાં પણ સાનુકૂળતા જોવાશે.
અભ્યાસ બાબતથી જે વિદ્યાર્થીઓનું હાલમાં ચાલુ અભ્યાસ હોય તે વિદ્યાર્થીઓને માટે સમય થોડો સંઘર્ષ વાળો આ વર્ષે જોઈ શકાય છે. ગુરૂવારના દિવસે ૐ ઐં નમઃ તેની માળા કરવી. પરીક્ષાના સમયમાં આળસ વૃત્તિ છોડીને વાંચન ઉપર ધ્યાન રાખવું, તેમજ વિદ્યાર્થી વર્ગને વિહિકલ ચલાવવામાં પણ સાવધાની રાખવી જરૂરી જોવાય છે. અભ્યાસ અંગેના જે પ્રોજેક્ટો હોય તેને પણ ધ્યાન પૂર્વક કરવા પડશે અને સાવચેતી રાખવી પડશે. જો આ પ્રમાણે નહીં કરો તો વર્ષ દરમિયાન વિદ્યા અભ્યાસમાં સકારાત્મકતા જોઈ શકાશે નહીં. મનને મક્કમ બનાવશો, મનોબળ મજબૂત રાખશો. આ રીતે કરવાથી વર્ષ દરમિયાન તમારો અભ્યાસ પૂર્ણ થશે બાકી રાશિના આધારે જોતા અભ્યાસ માટે વર્ષ ઘણું નબળું જોવાય છે.
સ્ત્રીઓ માટે – For Women 2022-2023
વર્ષના આરંભમાં સ્ત્રી જાતકો માટે જોતા ગૃહસ્થી જીવન સારું રહેશે. પારિવારિક પ્રશ્નો ચાલતા હશે તો મંદગતિથી હળવા થશે તથા કુટુંબમાં બધા ભેગા મળી કંઈક નવું કાર્ય કરવાનું વિચારશો. ભાગ્યોદય માટે સ્ત્રીવર્ગને વર્ષ દરમિયાન ઉત્તમ તકો પ્રાપ્ત થતી જોઈ શકાશે. ધંધો તથા વ્યવસાય ક્ષેત્રમાં આપને સારી સફળતાઓ મળી શકે તેવા યોગો જોવાય છે. પરંતુ વિદેશમાં અથવા ઈમ્પોર્ટ ચીજવસ્તુઓની કરતા હોય તો તમને સારી સફળતાઓ જોઈ શકાશે. રાહુ-દેવનો ઉપાય કરવો જરૂરી છે. રાહુના મંત્ર જાપ બ્રાહ્મણ દ્વારા કરાવવા સામાજિક કાર્યક્રમોમાં તમને સારું સ્થાન પ્રાપ્ત થાય.
વાદ-વિવાદોથી તમારે બચવું પડે તથા ખાનપાનમાં પરેજી રાખવી જરૂરી છે. જુના રોગો હોય તો દવાઓ સમયસર લેવી તે હિતાવહ છે. પરદેશથી મળતા આર્થિક લાભોમાં વધારો જોઈ શકાશે. નવું કંઈક કરવાની જિજ્ઞાસાઓ તમને રહેશે તેમજ આંતરિક આનંદનો અનુભવ કરશો.
અસ્તુ જય અંબે
Jyotish Shastra horoscope services
Match Making, Marriage Report, Love Horoscope, Private & Government Job Report, Lal Kitab Horoscope, Gemstone, Rudraaksha & Vidhi Vidhan, Wealth, Finance, Prosperity, Career, Health, Fitness, Education, Business & money Making, Kalsarp,Shani Sade sati All nivaran Information is given
English, Gujarati, Hindi Language We will prepare the report in the language in which you have to submit the report. Contact us on the following number or email id.
Chandresh Bhatt
Mamta nivas, dhobi ghat, nandalay road, near iskcon temple, Vallabh Vidyanagar, Anand, Gujarat 388120
Mo. 9913399998 Emailid – bchandresh32@gmail.com
ચંદ્રેશ પી. ભટ્ટ
વલ્લભ વિદ્યાનગર
મો. ૯૯૧૩૩૯૯૯૯૮